පළමු සෙමෙස්ටර් විභාගය ළඟා වෙද්දී සශ්රිකා, සවිඳි සහ චමත්කා තිදෙනාම දැඩි උනන්දුවෙන් පාඩම් වැඩවල නිරත වූහ. නවක වදයේ අමිහිරි මතකයන් සහ ජ්යෙෂ්ඨ සිසුවියන් පටබැඳි නිඟා සහගත නම් හිතේ කොනක තිබුණද, ඔවුන්ගේ එකම බලාපොරොත්තුව වූයේ විභාගය ඉහළින්ම සමත්වීමයි. ගැමි පරිසරයක හැදී වැඩුණු නිසා ඔවුන්ගේ සටහන් පොත් ඉතාම පිළිවෙළට තිබූ අතර විෂය කරුණු කෙරෙහි ඔවුන්ට තිබුණේ මනා අවබෝධයකි. ඔවුන්ට තිබූ එකම බාධකය වූයේ ඉංග්රීසි කථන හැකියාවයි.
මේ අතරතුර, එක් විෂයයක් සඳහා සිසුන් සිව්දෙනෙකුගෙන් යුත් කණ්ඩායම් ව්යාපෘතියක් (Group Presentation) ඉදිරිපත් කිරීමට සිදු විය. සශ්රිකාගේ කණ්ඩායමට සිව්වැන්නිය ලෙස එක් වූයේ අමාෂි ය.
අමාෂි කොළඹ ප්රධාන පෙළේ බාලිකා විද්යාලයක ඉගෙනුම ලැබූවත්, ඇය ඇත්තෙන්ම ශිෂ්යත්වය සමත්ව දුර බැහැර ගමකින් කොළඹට පැමිණි දැරියකි. ඇගේ පියා මියගොස් ඇති අතර, ඇය විශ්වවිද්යාලයට එන ගමන්ම කුඩා මල්ලීගේ අධ්යාපනයටත් මුදල් යවන ධෛර්යවන්ත තරුණියකි. ඇය කොළඹ හැදුණු වැඩුණු නිසා ඇගේ ඉංග්රීසි උච්චාරණය ඉතා "පොෂ්" මට්ටමක තිබුණි. ඇය පෙනුමෙන් සල්ලිකාරියක මෙන් පෙනුනත්, ඇයත් අභ්යන්තරයෙන් බොහෝ දුක්කම්කටොලු විඳින්නියකි.
අමාෂි පෞද්ගලික බෝඩිමක නතර වී සිටි අතර, ඇගේ ඉංග්රීසි දැනුම සහ පෙනුම නිසා ජ්යෙෂ්ඨ සිසුවියන් ඇයට නවක වදය දීමට එතරම් උත්සාහ කළේ නැත. ව්යාපෘතියේ වැඩ කටයුතු අතරතුර මේ හතරදෙනා ඉතාම සමීප මිතුරියන් බවට පත් වූහ.
"ඔයාලා මේවා ගැන හිතන්න එපා. අපි මේ ප්රසන්ටේෂන් එක හොඳටම කරමු. ඔයාලට කද්ද (English) බැරි වුණාට සබ්ජෙක්ට් එක මට වඩා හොඳට පුළුවන්," අමාෂි සිනාසෙමින් කීවාය.
ව්යාපෘතියේ වැඩ කරන අතරතුර ඔවුන්ට අවශ්ය කෑම බීම සියල්ල රැගෙන ආවේ අමාෂිය. ඇය තමා සතු සීමිත මුදල පවා වියදම් කරමින් තම මිතුරියන්ට සංග්රහ කළාය. සශ්රිකාට අමාෂි කෙරෙහි ඇති වූයේ මහත් ගෞරවයකි.
"අමාෂි, ඔයා මොනවා වුණත් වාසනාවන්තයි. ඔයාට අර අක්කලාගෙන් කරදරයක් වුණෙත් නැහැනේ," සශ්රිකා දවසක් පැවසුවාය.
"ඒක එහෙම තමයි සශ්රිකා. මේ ලෝකේ පෙනුමයි, භාෂාවයි තියෙනවා නම් ගොඩක් දේවල්වලින් බේරෙන්න පුළුවන්. හැබැයි මම දන්නවා ඔයාලා විඳින දුක. මට පුළුවන් විදියට මම ඔයාලව බලාගන්නම්," අමාෂි ඉතාමත් සහෝදරත්වයෙන් යුතුව කීවාය.
ප්රසන්ටේෂන් එක තිබුණු දවසේ මුළු හෝල් එකම නිශ්ශබ්ද වුණේ අමාෂිගේ ඒ සුපිරි ඉංග්රීසි උච්චාරණයටයි. ඇය ඉතාමත් විශ්වාසයෙන් කරුණු ඉදිරිපත් කරද්දී, සශ්රිකා, සවිඳි සහ චමත්කා තිදෙනාම ඇයට මනා සහයෝගයක් ලබා දුන්නා. ප්රශ්න ඇසීමේ වාරයේදී අමාරු ප්රශ්නවලට පවා ඉංග්රීසි ඉතා පැහැදිලිව පිළිතුරු දෙන්න මේ තිදෙනා සමත් වුණා. අවසානයේ මුළු කණ්ඩායමටම විෂයට අදාළ වැඩිම ලකුණු ප්රමාණය හිමි වුණේ හැමෝම පුදුම කරමින්.
"අපි දිනුවා නංගිලා! මේක සමරන්න ඕනේ. අද මගේ ගාණේ ඔයාලට ට්රීට් එකක්," අමාෂි සතුටින් කෑගැසුවාය.
එදා තමයි සශ්රිකා ඇතුළු යහළුවන් තිදෙනා ජීවිතේ පළමු වතාවට පීසා හට් එකකට ගියේ. පීසා කෑල්ලක් කටට ගන්නකොට දැනුණු ඒ නුහුරු රසය වගේම අමාෂිගේ ලෙන්ගතුකම ඔවුන්ගේ හිතට ලොකු සහනයක් වුණා. ඉන්පසු අමාෂි ඔවුන්ව ෂොපින් රැගෙන ගියාය.
"මේ ගමේ විදියට ඇඳලා දැන් ඇති. අපි පොඩ්ඩක් වෙනස් වෙමු," අමාෂි ලස්සන මෝස්තර පෙන්වූවත්, ගැමි සිරිත්වලට හැදුණු මේ තිදෙනා මුලදී ඒවාට අකමැති වුණා. නමුත් අමාෂිගේ දැඩි බලකිරීම නිසා අවසානයේ ඔවුන් තිදෙනාටම ඇඟට හිර ඩෙනිම් කලිසම් තුනක් සහ ක්රොප් ටොප් (Crop Tops) තුනක් තෝරා ගැනුණා.
"අනේ අමාෂි, මේවා වැඩියි වගේ නේද?" සශ්රිකා ඇසුවේ තමාගේ නිරුවත වසා ගැනීමට දැරූ උත්සාහය මතක් වෙද්දීය.
"නැහැ නංගි, ඔයාලා මේවා ඇඳලා මට පෙන්නන්න ඕනේ. මේවා ඔයාලට මගෙන් ලැබෙන තෑගි. ඔයාලා හිටියේ නැත්නම් මට කවදාවත් මේ ප්රොජෙක්ට් එක කරගන්න ලැබෙන්නේ නැහැ," අමාෂි සියලු බිල්පත් ගෙවා දැමුවේ කිසිම ලෝභකමක් නැතිවයි.
ආපසු එන අතරමගදී සශ්රිකාගේ හිතේ තිබුණු කුතුහලය තවදුරටත් හංගාගෙන ඉන්න බැරි වුණා.
"අමාෂි... මට එක දෙයක් අහන්න හිතුණා. ඔයාට කොහෙන්ද මේ තරම් සල්ලි? ඔයා ටියුෂන්වත් කරනවද? එහෙම කරනවා නම් අපිටත් හොයලා දෙන්න බැරිද?" සශ්රිකා ඉතාමත් අහිංසකව ඇසුවාය.
ඒ ප්රශ්නය ඇසූ සැණින් අමාෂිගේ මුහුණේ තිබුණු හිනාව මඳකට මැකී ගියා. ඇය සශ්රිකා දෙස බලා අපැහැදිලි සිනහවක් පෑවාය.
"අපෝ නැහැ... ඒක එහෙම කියන්න පුළුවන් දෙයක් නෙමෙයි සශ්රිකා. ඔයාලා ඒක දැනගත්තොත් සමහරවිට මාත් එක්ක කතා කරන එකක්වත් නැති වෙයි," ඇය විහිළුවෙන් මෙන් කීවත්, ඒ වචන පිටුපස ලොකු රහසක් ඇති බව සශ්රිකාට වැටහුණා.
✍️ - nawida
Call Girls - 3
පළමු සෙමෙස්ටර් විභාගය ළඟා වෙද්දී සශ්රිකා, සවිඳි සහ චමත්කා තිදෙනාම දැඩි උනන්දුවෙන් පාඩම් වැඩවල නිරත වූහ. නවක වදයේ අමිහිරි මතකයන් සහ ජ්යෙෂ්ඨ සිසුවියන් පටබැඳි නිඟා සහගත නම් හිතේ කොනක තිබුණද, ඔවුන්ගේ එකම බලාපොරොත්තුව වූයේ විභාගය ඉහළින්ම සමත්වීමයි.
3 min read1 views
